दाक्षिणात्य सिनेसृष्टीतील अभिनेते आणि आंध्र प्रदेशचे Deputy CM पवन कल्याण यांनी तिसऱ्या पत्नीपासून वेगळे होण्याचा निर्णय घेतला आहे. अ‍ॅना लेझनेवा या रशियन पत्नीसोबतचा त्यांचा विवाह संपुष्टात आला आहे. दोघांनीही परस्पर सामंजस्य आणि आदराने हा मार्ग निवडल्याचे समोर आले आहे. राजकारण आणि अभिनय यासोबतच पवन कल्याण नेहमी आपल्या वैयक्तिक आयुष्यामुळे चर्चेत राहतात.
आपल्या निवेदनात पवन कल्याण यांनी सांगितले की, जरी आमचा संसार संपला असला तरी आम्ही चांगले मित्र म्हणून कायम राहू. आमच्या मुलांचे पालनपोषण आणि त्यांचे सुख हेच आमचे मुख्य ध्येय असेल असेही त्यांनी स्पष्ट केले. यापूर्वी पवन कल्याण यांचे दोन विवाह झाले होते आणि ते दोन्ही घटस्फोटात संपले होते.
पहिला विवाह १९९७ मध्ये नंदिनी यांच्याशी झाला होता, जो २००८ मध्ये ५ कोटी रुपयांच्या नुकसान भरपाईनंतर संपुष्टात आला. त्यानंतर २००९ मध्ये त्यांनी अभिनेत्री रेणू देसाई यांच्याशी लग्न केले, पण २०१२ मध्ये त्यांचा घटस्फोट झाला. या दोघांना अकिरा आणि आद्या अशी दोन मुले आहेत.
त्यानंतर २०१३ मध्ये पवन कल्याण यांनी रशियन मॉडेल अ‍ॅना लेझनेवा यांच्याशी तिसऱ्यांदा विवाह केला होता. आता हा तिसरा विवाहही संपला असून दोघेही विभक्त झाले आहेत. राजकीय आणि सामाजिक जीवनात सक्रीय असतानाच त्यांच्या वैयक्तिक आयुष्यातील या निर्णयामुळे चाहत्यांमध्ये विविध चर्चा सुरू आहेत.
